الي يحب الللو يسهر الليل بكلو

حط الحطة وخرج باش يسهر.دخل لاول بار عرضو .بنك علكونتوار وطلب واحدة بيرة بريسيون.البار رايض موزيكا دجاز شي يعمل الكيف .عمل حارتين و قصد ربي للبواتا.لبلاد معبية لبنات بار تو الناس شايخة.وصل للبواتا الناس شاده الصف كيف خلط للباب خزرلو البورتي واحد كحلوش جنبة وقالو ما تنجمش تدخل كوبل ايكزيجي.ايا مشى على روحو .لبواتا الثانية قالولو ماكش لابس توني كوريكت.لبواتا الثالثة قالولو نون ماكش ابيتي .نرفز و مشى لبار زاد اشرب وكيف جا مروح تعدى بحذا بواتا بلاك يا خي طلب منو واحد خارج من غاديكا سيقارو.اي عطاه وقالو تنجمش دخلني لاخر قالو سون بروبلام .ايا كملو سواقرهم و دخلو.الجو باهي لداخل اما ما ثماش بنات.اربعة كعبات و ثلاثة عزايز وخمسين ذكر.شطح شويا و قعد .هو هكاكة تجي واحدة مازالت كيف دخلت تبنك بحذاه.طار بالفرحة و بدى يحكي معاها وبعد قاموا يشطحو.وبعد استركن بيها شويا وهات يا بوس .في اخر السهرية هو معنق صاحبتو و يشطح كيف الكبلوات الكل لين يحس بيد لمساتو على ظهرو خزر يلقاه كمال صاحبو.كمال قرب لصاحبنا و قالو :اشنوه دورتها موبن.هاك تشطح مع ياسمينا البيدي.صاحبنا وجهو تقلب و سال ياسمينا:بالحق انت ذكر.قالو: صحيح اما انا نحب الرجال هذاكه علاش عامل بيريك ولابس روبا قصيرة.خرج صاحبنا يجري و يسب في الزهر لمزمر وكيما يقولوها: صام وصبر وفطر على ذكر.