lundi 10 décembre 2012
سيكون خميس النصر
هبلوتونا هاو جمعة كذا ها جمعة معا . يا سيدي يزي مالخوف زعمة كيف تتكى عالجمعة تحس ربي معاك. نهار14 جانفي كان جمعة اما الشعب ما ربطش التاريخ بالنهار اما التاريخ ربط الي صار بالنهار.يارجال تونس ونسائها لا مفر يجب ان نرمي بطحانة الايام و المنسبات الى مكانهم الطبيعي ....المزبلة. يا احبائي التاريخلالا يختار ايامه تتلحسون الى يوم جمعة و سنرميكم بدون ان نختار اليوم لان الحدث ينسب الى الفاعل لا الى اليوم
dimanche 25 novembre 2012
بابا و الفياغرا
واك يا وخياني ما اصعبها الغربة.بابا ريتريتي من فراانسا توه عشرة سنين. مالي خذا التقاعد الوالد استقر في تونس اما ساعة ساعة يجي لفرانسا يعمل طله ونتقابلو.. بابا كيف يجي نعمل كيف ونشيخو بيره وضحك ولعب.اما اخرمره بابا ما عجبنيش تاعب و موش في صحنو.نهار قابلتو في قهوة شد قلبو وطاح. هزيتو للارجونس قالولي اش ياخذ بوك مالدويات قلتلهم ما نعرفش. ايا وليت او شوفتلو جيوبو لقيت برشة حرابش اعطيتهم للطبيب. وبعد قعدت نحكي مع بابا ياخي قالي حل البورتفاي وهز شوى فلوس.لكن كيف حليت السطوش تفجعت نلقى باكو متاع فياغرا.قتلو اشنوه هذا تكبس وقالي حتى شى خبيه او لوكان تقول للطبيب لاك ولدي ولا نعرفك.طفيت الضو وما قلت شي لين خرج بابا مالسبيطار.
dimanche 3 juin 2012
علمني ..علمني..علمني التركية..يا مامو عينيه
يا سعدنا يا هنانا اخيرا وبعد ما شاحت ارياقنا اخيرا باش نشيخو اخيرا باش نعملو بون كيف .بصراحة برافو عليه مالله فكرة ممتازة.زايد القوي قوي وفمة الي يتعدى وما يحسبو حد وثمة رجال تخلد اساميهم.اخيرا اخيرا باش نتفرجو عالمسلسلات التركية بالهجة التونسية.علاش على خاطر بداية مالرونتريه الجاية اولادنا باش يتعلمو اللغة التركية في مدارسنا.مالله قرار رائع عملو وزير التربية.انا بصراحة في الاول شوكاني لخبر قلت فاش قام نتعلمو في التركية خاطرها لغة مكلاسيه بعد الاهم 20 لغة في العالم بار كونتر البرتغالية مكلاسيه الرابعة.حتى من جهة دينية والا تاريخية يظهرلي الغة العبرية والا الاغريقية والا الرومانية اهم مالغة التركية.الحاصيلو حرت في امري اما في القهوة كيف ريت حبيبات يشوفو في مسلسل تركي قلت هاذي هيا الوزير يحب يشيخ التوانسه وهكه نولو انراو المسلسلات التركية مدبلجة للتونسيه ونوليو نسمعو في العسول التونسي من افواه مهند ونور ونرمين وهات ماكه الاسامي متاع ابطال الدراما التركيه.
samedi 26 mai 2012
نهاية اللعبة
مالاخر او من غير مقدمات لن نخير. لن نقبل لن نكون مكرهين كالمصريين بين اختيارين احلاهم مر. لذلك يا احفاد حنبعل ارموهم قبل ان يرموننا. اختاروا من الان رئيسنا لن نقبل برئيس من الفلول اومن الاخوان من الان سنختار رئيسنا التونسي الذي لا يلي سوى لتونس ولا ينحني الا لعلم تونس .يسقط العسكر يسقط تجار الدين
vendredi 6 avril 2012
Günter Grass :Ce qui doit être dit
jeudi 5 avril 2012
نجم خط أحمر
عبلة الروىنى | ||
حين استضافته المذيعة دينا عبد الرحمن علي قناة (التحرير) كان البرنامج يستعرض صور فتاة التحرير، التي قام ثلاثة جنود بسحلها في عز النهار، عارية في ميدان التحرير، كان حذاء العسكري فوق صدرها، يهم بدهسها، بينما الجنديان الآخران يشدانها من ذراعيها، مسحولة علي أرض الشارع.. صرخ نجم، وصرخ قبله كل المصريين، وصرخة آلاف النساء في تظاهرة مهيبة في اليوم التالي لسحل الفتاة (ارفعي رأسك، ارفعي رأسك، رجلك أشرف م اللي داسك..) صرخ نجم علي الهواء مباشرة (يا سيادة المشير الثورة مش حتتسرق، واللي حيجي جنب الثورة المصرية.. حنطلع دين أمه).. بالتأكيد نجم هنا لا يسب الدين، ولا يخرج عليه، ولا يتكلم فيه من قريب أو بعيد.. المشهد بالغ الوضوح، وبالغ الغضب، والصرخة المعلنة لا تحتاج إلي تفسيرات لغوية، ولا قانونية، ربما تحتاج فقط إلي ضمائرنا لنعرف بالضبط من هو (الكافر) في المشهد.. الجنود الذين هتكوا عرض الفتاة في قلب ميدان التحرير.. أم هو الشاعر الذي صرخ من كفر الحذاء العسكري فوق صدر الفتاة؟! لكنه التواطؤ الذي جمع العسكر بساسة اللحي والجلباب، ليتقدم أحدالمحامين (منسق المركز الحقوقي لدعم المسلمين الجدد) ببلاغ إلي النائب العام، يتهم نجم بازدراء الدين الإسلامي، وسب الدين لكل من حسني مبارك والمشير طنطاوي.. وأيضاً يتهمه بمدح الشيعة وسب السُّنة، رغم أن نجم نفسه لا يعرف الفارق بين الإثنتين! ليس ثمة خطر في انتظار نجم، فليس بوسع السلطات مهما بلغت حماقاتها، أو استعراض قوتها، أن تعادي الشارع ببساطة، خاصة وأن نجم ليس مجرد شاعر، أو (حالة ثقافية) ولكنه (حاله شعبية) تتجاوز مصر إلي العالم العربي.. هكذا تضامن معه المثقفون في بلدان عربية عديدة، الأسبوع الماضي اعتصم المئات من التونسيين أمام السفارة المصرية في العاصمة تونس، للمطالبة بوقف محاكمة نجم، منددين بـ"تجار الدين، وسارقي الثورة"، وأعلنت رابطة الكتاب الأردنيين في بيان تضامني أن "الحملة علي نجم ظالمة، وأنها تهيئة لسطوة واحتكار تيارات سياسية فكرية تغلق آفاق التطور، وتحد من حرية التعبير والتعددية "، أيضا أعلن السوريون واللبنانيون والليبيون تضامنهم، بينما يستعد الكثير من المثقفين المصريين لتقديم أنفسهم كمتضامنين مع نجم في التهم المنسوبة إليه، معلنين أن "نجم خط أحمر". |
dimanche 1 avril 2012
عندي ولدي يا حضار سلفي وما يرضى العار
صحيبي راجل كبير رتريته اما صاحب كيف.يصبر عام كامل اما كيف يجي لفرانسا يحب يرجع لزمان بو عنبه.المرة هاذي ما عجبنيش حزين ويخمم برشه.ايا نهار ضربناها بالالمانية كيما يقول هو (الهينكال) ياخي تفرهد وقالي: اش باش نعمل امو حاشمه منو وتلز فيا.قتلو: لواش تلز فيك.قالي باش انقلو حجم لحيتك واخطاك مالريق متاع السلفية.قتلو واش بيه. قالي حشمت ما لقيتلوش دخله.قتلو هاذي ساهله هزلو شبعه جيلات توه يفهم.قالي قداش تخرف هازيتلو برشه مرات اما في لخر يرجعهملي يقلي يا بابا خليهم عندك تحتاجهم.ايا قتلو لا حياء في الدين عيطلو واحكي معاه بصراحه قلو راهو حتى كيف يتزوج لمرا ما يساعدهاش تبوس واحد مغوف. ضحك و قالي يا خي هاذم امارك متاع بوس مالاهو يطلع عليها كالحيوان والسلام بالعافية.
mardi 27 mars 2012
قالو : اسمعو منا ولا تسمعو عنا
هكه قالو السلفية على ارواحهم اما نهار الاحد سمعناهم وريناهم والاصح سمعونا ما نكرهو او وقفوا عرض مسرحي او وراونا عرض سيرك يعمل الكيف تشعبيط في المنقالة وعرص الضو ,طرح رشقان عظم,نومرو تمنيك عالحاكم وختموها بكورال تكبيري تكفيري على مقام بالكمياوي يا صدام ماتخلي ليهودي ينام.الحاصيلو ما نجم نقول كان كلام اليعقوبي الله يرحمو: ماهي غريبة الغاره...وماهي غريبة يشتمو قيفاره...ماهي غريبة الرده...وماهي غريبة الذيب يعدي حده.
mardi 13 mars 2012
انا مندس يا ميبون
لم اجد جوابا اقوى من هالجواب الي اعطاه احد شباب السلفية في كلية منوبة لسلفي اخر بعد موقعة العلم التي اراد بعض السلفية الصاقها بعناصر مندسة.الحاصيلو كيف شفت الخوماضة الي عملوها ثوار 15 جانفي ما لقيت ما نقول للي يسبو ويعيطو على صديقتي المدونة الرائعة جلنار كان احنا مدونين مندسين يا موبنة والا جواب على طريقة بنت طراد يعطيكم ما عطى الجحش لامو والا رد على طريقة خيل وليل: حديد شيركو ...ماكش حديد مناجل..اما من عكس الايام درتك راجل
Inscription à :
Articles (Atom)