dimanche 2 novembre 2008

سهرية عالفضائية تونس 7

البارح دعاني ربي وتفرجت على تونس سبعة.و بزهري نطيح بسهرية مباشرة مواكبة لاختتام ايام قرطاج السينمائية .ملي كنت رايض حتى طلعت كشاكشي كيف ريت محمد علي بن جمعة وسوسن معالج ولطفي العبدلي يسلموا في الجوايز كيفهم كيف سي عزت العلايلي .والي زاد على ما بيا هاكة المنشطة متاع السهرية تستقبل في الضيوف عل المباشر زعمة زعمة و تسال بالعربي وبالسوري وبالانكليز وترجم على كيفها,مثلا قالها المخرج الاثيوبي المتوج نشكر لجنة التحكيم خاطر مهمتهم صعيبة لانهم ايقيمو في انتاج فني وفكري موش في ملاكمين بسهولة يظهر الاقوى منهم.للا المنشطة ترجم وتقول الي المخرج الاثيوبي يشكر لجنة التحكيم خاطرهم يتعاركو كي الملاكمين باش يختارو احسن فيلم.اما الي قالتلهم اسكتو هو سؤالها للممثل الفلسطيني محمود البكري( الي اختاروه احسن ممثل) على اساس انو مخرج الفيلم يا خي جاوبها :موش انا المخرج مشيرا بيده الى المخرج الفلسطيني الي قاعد بجنبو.سكرت التلفزة وانا نفكر في التوانسة الي ماعندهمش الشوا غير تونس سبعة وتفكرت حكاية هاك الراجل الكبير الي ما عندو كان راديون والي باش ما يطيحش على الاذاعة الوطنية كيف يولي يبدل في الاذاعات يقص الراديون جملة كيف يوصل للنومرو الي تبث عليه الاذاعة الوطنية ويدور لابرة لان يفوت هاك النومرو ويعاود يحل الراديون باش يسمع بقية لاذاعات

5 commentaires:

khayati a dit…

Bonjour.
D'accord avec vous à propos de cette émission, mais les tunisiens ne sont pas "rivés" à T7 ou T21 ou hannibal ou même Nessma. Ils peuvent voir toutes les chaines satellitaires "librement". Plus de 70% des foyers tunisiens sont reliés aux chaines numériques... Plus des deux millions de foyers ont 1.7 de téléviseurs... Auncun Etat ne peut "censurer" les chaines satellitaires...
Alors!

ART.ticuler a dit…

خليني نخالفك الرأي: الحصة تفرجت فيها البارح والمنشطة ما ترجمتش بالصيغة إلي حكيت عليها ..
ثانيا: مع احترامي لعزت العلايلي الممثلين التوانسة الشبان قادرين باش يتميزو ونحن مدعوون باش نشجعوهم موش العكس
ثالثا : في بث مباشر وتلقائي طبيعي باش يقع شوية لخبطة..
رابعا: مانيش من محبي القناة 7 لكن من متابعي برنامج مزيكة و فرجة! المنشطة سمعتها اكثر من مرة وعندها زاد معرفي فني لباس به ثم أني تفرجت في حصص تحافنٍ برشة كيما حصة رجاء فرحات و ناصر خمير ..
تحياتي

subjectif a dit…

khayati:moi je dis malheureusement que 70% des foyers tunisiens sont reliés aux chaines numeriques car c'est à travers ces chaines, et en l'absence de chaines nationales fortes, que les extremistes font leur propagande et arrivent à influencer les tunisiens .
art.ticulier:
يا صديقي المنشط المحترف والذي له زاد فني يعد جيدا حصته و على الاقل يحترم ضيوفه فهذه المنشطة لم تكن امينة في الترجمة ووجدت نفسها امام ضيفة لا تعرفها فما كان منها الا ان قالت:vous êtes qui?
بالنسبة للمثلين الشبان نعم نشجعوهم لكن كيف نجازو فنان يلزم الي يمدلو الجايزة يكون فنان عندو قيمتو و اسمو وتاريخو باش الجايزة تزيد قيمتها اما الثلاثة الي ذكرتهم ما عندهمش الكفاءة اللازمة انا تمنيت الجوايز يعطيوها رموز الفن الدرامي عندنا كيفما فاضل الجعايبي .توفيق الجبالي,كمال التواتي,جليلة بكار,الناصر خمير, فتحي الهداوي,شوقي الماجري...ناس قيمة فنية كبيرة ومعترفين بيهم عالميا كيما رئيس لجنة التحكيم yasmina khadra

SAMIRA a dit…

ya3tik essahha fil moulahedhat mta3ek..J'aime bien l'animatrice mais il fallait déjà attirer son attention sur les erreurs et les confusions qu'elle avait pris l'habitude de commettre...Elle avait déjà presenté (samedi dernier) avec INSISTANCE Ezzet El Alayli comme president du Jury des JCC bien qu'il lui avait signifié qu'il ne l'était pas !!!!!
A part cela , je pense que cette "presentatrice" figure parmi les meilleures animatrices de notre chaine de tv nationale ...

Quant à notre jeune Lotfi EL 3ebdelli , une meilleure tenue (était trop agité le jour de l'ouverture des JCC)) lui est vivement recommandée...

SAMIRA a dit…

ya3tik essahha fil moulahedhat mta3ek..J'aime bien l'animatrice mais il fallait déjà attirer son attention sur les erreurs et les confusions qu'elle avait pris l'habitude de commettre...Elle avait déjà presenté (samedi dernier) avec INSISTANCE Ezzet El Alayli comme president du Jury des JCC bien qu'il lui avait signifié qu'il ne l'était pas !!!!!
A part cela , je pense que cette "presentatrice" figure parmi les meilleures animatrices de notre chaine de tv nationale ...

Quant à notre jeune Lotfi EL 3ebdelli , une meilleure tenue (était trop agité le jour de l'ouverture des JCC)) lui est vivement recommandée...