samedi 15 novembre 2008

حشام

الحاصل يا سيدي عدى سنين بلا اوراق في فرانسا.شي ما لقى حتى حل.عمو راجل كبير متقاعد في فرانسا اما يمشي و يجي على تونس.كيف يسالوه على ولد خوه يقوللهم الله غالب حشام و جابد روحو, سي نو, راهو عمل اوراق.كيف لزلو خوه برشة قالو تهنى المرة هاذي كيف نرجع لفرانسا نعملو اوراق.ايا رجع لفرانسا و قال الحل الوحيد ندبرلو قاورية هكاكة ياخو لاوراق.خمم خمم و قال سير لورانس ما تخليهاش بيا(لورانس مرا يعرفها و يرقد معاها سعات باش يطير الوحش).اكهوه حكالها لحكاية قاتلو سي لمور شكلية وبره علاش لا.وبعد قال لولد خوه هاني دبرتلك مرا وهني على روحك.مشاو للبلدية عقد عليها وصحابو حضرو و فرحوا بيه.لمرا حلا في عينها لوليد و قالت نلعبها عروسة بالحق ونروح معاه الليلة.اكهو مشاو تعشاو لبره وروحت معاه.ايا دوشو و دخل عليها للبيت يبوس و يعنق و من بعد كيف وصل لرسمي عيط وعطاها طريحة و خرجها مالدار وهو يصيح :مكسرة مكسرة يا عمي.اكهوه هو رحلوه لبلادو و عمو والمرا عدوهم للمحكمة بتهمة تنظيم مارياج بلون

1 commentaire:

Unknown a dit…

aya kif tla3 howa rajel el7amdela ou ma fdha7nech :)