vendredi 14 novembre 2008

امهات لعرب في اوربا باش تولي فيران حبس

بالسيف تعرس بيه حتى لوكانو اكبر منك ب 15 سنة هاكة قالت الام والاخوة لبنية عمرها 18 سنة من اصل جزايري تعيش في مدينة تولون الفرنسية.لبنية قالت لا, يا خي كلات على راسها طريحة نباش لقبور, ما منعها كان منطقة الشرطة الفرنسية كيف مشاتلهم هاربة اما الام والاخوة وقفهم الحاكم.بنية اخرى كيف كيف حاولت فيها امها باش ما تخليهاش تخرج مع شاب فرنساوي لكن شي لبنية قالت نحبو,الشاب باش يرضي لام استسلم, وشي لمرا ما قابلتش وفي ليلة ظلمة بيتت السكينة تسخن على الريشو ومع الفجر هزت السكينة السخونة و مشات لبنيتها الراقدة في سابع نومة و عطا تها الشياط كواتها من يدها و الطفلة شوية لا ماتت مالكوية و مالفجعة اما الي تكوى بنار الحب ما عاد يخاف من شي وما باطلتش من صاحبها اما الام عدوها للمحكة. كيف سالها المحقق علاش هكة قاتلو النار و لا العار بنتي ما تخوش كافر قالها راه استسلم قاتلو وبره دم يقعد كافر وما يصفاش

2 commentaires:

ART.ticuler a dit…

كثر الهم يضحك..شكرا على البوست

subjectif a dit…

بالحق شي يضحك