تحت جناح ذبانة و لا في الجبانة

يعرف الغربة صعيبة والخبزة مرة اما اش باش يعمل؛ يموت بالشر في بلادو؟ ايا سيدي قصد ربي وسافر,وصل لبلاد ما شاء الله, الخيرات السبعة موجودة, الناس فرحانة الي تطلب تلقى. طار بالفرحة وقال هاذي بلادي ,هو هكاكه حتى تعدى قدامو موكب دفن, اما لغريبة انو الميت هازينو على روسهم, ايا سال واحد من مالي لبلا د قالو: علاش المرحوم هازينو على روسكم؟ جاوبو السيد :هاذي عادة عندنا الي يتوفى نهزوه للمقبرة حسب الصنعة متاعو .قالو صاحبنا: ما فهمتش؛ .قالو ولد لبلاد :السيد الي باش ندفنوه اليوم, مثلا ,حجام هاذكا علاش هازينو على روسنا.صاحبنا وجهو تقلب و قال: درج ما عادش نزيدو في بلادكم, نموت بالشرعزيز في بلادي, خيرما يلحقني العار اذا نموت هوني.لواش قالو ولد لبلاد.جاوبو صاحبنا :خاطرني "طهار" يا سيد, يعني لو كان نموت هوني, تهزوني للقبرعلى ز......