vendredi 10 octobre 2008

مسلسل مكتوب: تونس 2003

ياسيدي اشنيه المشكلة احنا مع الجراة نحكيو على الخيانة الزوجية ,المخدرات, الشراب, السهريا ت وانخرجو الخنار متاع تونس الكل, لكن عندي سؤال واحد لسي الطاهر الفازع السيناريست: وين صارت لحكاية متاع المسلسل؟ ما تقوليش في تونس خاطر يا سي الطاهر سنة 2003 الي رقصو لدخولها شخصياتك والي احداث المسلسل لكل دارت خلالها, السنة هذيك الناس لكل موش كان التوانسة ما تحكي كان على حاجة واحدة الغزو الامريكي للعراق في 20 مارس 2003 وسقوط بغداد 09 افريل 2003 .هل الحدث العظيم ما رينالو حتى اثر في مسلسك ولا اشارة من قريب او من بعيد, بالرغم الي شخصياتك كيف ما ريناها مربوطة بالعالم: يسافرو يتفرجو على التلفزة يقراو جرايد .الجراة باهية يا سي الطاهر اما كيف نزيدوها الحرفية والصدق تولي احلى واحلى

6 commentaires:

Anonyme a dit…

ceci s'appelle une faute de raccord et c'est très grave dans le cinéma.....

Ouss a dit…

Très bien dit...Une belle remarque...

brastos a dit…

في فيلم "صمت القصور" متاع مفيدة التلاتلي ، الفترة اللي تدور فيها الاحداث : هي الاستعمار الفرنسي ، يعني قبل 1956 بينما البنيّة اللي تتعلّم في العزف على آلة العود ، تعزف في غناية لسة فاكر متاع ام كلثوم اللي تلحّنت في اوّل الستينات

tarrouka a dit…

الأغرب في هالمسلسل انو يطرح قضية موش موجودة عنا في تونس واحد ابيض باش ياخذ وحدا سمرا دارهم ما حبوش على خاطر لونها توة عنا احنا هالنوع من العنصرية ...........انا شخصيا اول مرة نسمع بيها الحكاية حتى في الجرايد ما قريتهاش

الشنفرى a dit…

@ tarrouka

Malheureusement le racisme dont tu parles existes surtout dans ce qu'on appelle les familles nobles des grandes villes (El baldia). Je connais deja un cas du genre :S:S

ولد بيرسا a dit…

بربّي سامحني أما ياخي المسلسل كيف هو دار عام 2003 لازمو يحكي علي صار عام 2003 الكلّ؟؟؟؟ مسلسل راهو موش نشرة أخبار
... fiction:مسلسل، معناها قصّة خياليّة
موش معناها فيلم وثائقي
قلّو يكمّل يحكي عالإنقلاب متاع بوزيزي في إقريقيا الوسطى، و الزّلزال متاع الجزائر، و عل الإضرابات متاع فرنسا، و على برتران كنتا كيفاش قتل ماري ترنتينان، و انت ماشي ......؛

لا يعيش خويا، من غير ما تتخمّر عليه المسلسل و تبدى تلقالو في الأسباب هكّاكا مالحيط

و زيد بالله توّ هاك تبّعتو المسلسل و حلّلتو و ناقشتو و عطيت فيه رأي
آش كون تحبّو يجي لمخّو باش يحكي عالعراق؟؟؟
المرا الّي راجلها مصوحب عليها و جايب عليها طفلة باش تقوم تخمّم في العراق؟ و الاّ شوكو الّي يبيع في الزّطالي و الخمج الكلّ لاهي بالعراق؟ و الاّ الفرخ متاع الهامر؟
برجوليّة يا صاحبي هاذيّة ما جبتش فيها بالكلّ...... و من غير غشّ عاد، ما تتنبزش :-))) ..... إحسبني خوك قاعد يلوم فيك
:-)