بلال الحبشي في فرانسا

صاحبي ملحد ماهوش مومن بحتى الاه وحتى نبي.ايا قابلتو الجمعة الي فاتت قالي راهو زادو صغير ايا مبروك عليك واش سميتوه اسم عربي ولا فرنساوي كيف امو.لا قالي اسم عربي بل اسم رب من ربوبة لعرب: اساف .قالي يا خويا اش باش نقلك نهار لولادة صار فيا.راه دوب ما جا لوليد نسيت لفرنسيس الكل:الطبه,الفرمليه,مرتي’,المرضى,الكتب الي قريتها,لافلام الي شفتها,حياتي الكل افكاري مبادءي ما تفكرت كان امي كيف قاتلي :وليدي دوب ما تولد مرتك في فرانسا ,اخطف ولدك واذنلو في وذنو, .يا خوياهو تولد منا وانا قلت بيني وبين روحي اش كون يعرف خطفتو ونحط يدي على راسي,نقرب لوذنو ونطلع بيها :الله اكبر الله اكبر اشهد ان لا الاه الا الله .......وكملت الاذان خير من بلال الحبشي .الطبه,الفرمليه,لمرا لواحد فهم حاجة ومن بعد مديت لوليد للمرا و خرجت موش فاهم شى انا بيدي..