mardi 28 avril 2009

ما بين الرجلين ماء يشرشر

فاتني الترينو في لا قار دو ليون قلت ايا برا نبنك لبرى نعمل سيقارو ونشوف عباد ربي. انا هكاكة لين جاء قروب اولاد وبنات صغار و معاهم المنشطين متاعهم وبعض الاولياء الي جاو يودعو في صغارهم الي ابارمون مسافرين باش يشاركو في مسابقة.ايا سيدي من بين الوليا ريت كوبل توانسه الراجل بالكاميرا يصور والمرا لابسه خير من كارلا بروني و تبوس وتعنق في بنتها.وفي لحظة الوداع تخرج لمرا دبوزه ماء و تشرشرها وراء بنتها المسكينة عيطت مالفجعة وليد اخر سروالو تبل وحالة حلية الناس الكل تشوف لمرا حشمت وتكونست و تعمل تزغريطه و تصيح بالعربي انشاله معومة.ايا ضحكت و تفكرت صاحبي كيف قالي بعد ثلاثين عام غربة فرد جنب: التوانسة في فرانسا رجل في باريس ولاخرى في سيدي محرز

2 commentaires:

tunisianblogger a dit…

"التوانسة في فرانسا رجل في باريس ولاخرى في سيدي محرز"

هههههههه والله كلام صحيح

The Dreamer a dit…

ça fait plaisir ;p