حرس الحدود ....الفرنسي

الو اليوم نخلط لفرانسا السة غير درجين ايجا استناني".هكه قالي صاحبي الي ما عندوش ثلاثة شهر روح من فرانسا بعد 10 سنين سون بابيه.ايا سيدي حضرت روحي و السة عير درجين كنت في المطار.خلطت طيارة تونس وقفت مع الواقفين في انتظار القادمين مالخضراء.شوية توريست فرانسيس و خمسة ريتريتيه توانسه جايين يهزو في الشهرية.السبعة وصاحبي مازال ما خرج بالرغم الركاب الكل وصلو.ايا قلت ما فيهاش يلزمني نحكي مع لجانس متاع تونس ار في المطار.السلام عليكم باش نسالكم على صاحبي راهو ماهبطش مع الهابطين من طيارة تونس.خزرلي لعون التونسي متاع لجانس" صاحبك فلان قتلت انعم قالي هانا يبحث مع الشرطة السيد جاي بوراق مضروبه.اش يعمل هو في الدنيا وين تعرفو..." وهات ماك اللاوي متاع التنسنيس والتبوليس.حاصيلو ثمة واحد بحذاه قالي برا لحرس الحدود واحكي معاهم راك في بلد حر وتنجم تلقى حل.ايا مشيت لبيرو حرس الحدود حلوا الباب قلتلهم" نحب نشوف صاحبي" قالولي ممنوع خاطرو يعتبر في منطقة دولية يعني عباره موش في فرانسا خاطر ماعندوش لحق يدخل الاراضي الفرنسيةباوراق مضروبة.ايا شديت فيهم الصحيح ياخي قالي عون في تونس تنجم تهد هكه عالبوليسية وتناقشهم.قتلو انا راني في فرانسا بلاد حقوق الانسان.قالي تشوف صاحبك اما ما تحكيش معاه.دخلت في جرتو وصلنا لبيت بابها بلار وريت صحيبي قاعد فوق فرش ايا كيف راني قرب للباب حب يحلو صاح عليه العون قالو احكي معاه من غادي.ومشى وقالي عندك 10 دقايق.حكيت مع صحيبي بصياح و بالاشارات قالي مكتوب في بالي باش نسلكها ياخي شدوني.احنا نحكيو جاء عون اخر خرجني قتلو نحب نعطيه فلوس قالي بيناتنا كيفاش ترفكهم صاحبك لوراق قتلو ما نعرفش وبعد رجعني لصاحبي مديتلو لفلوس والعون يخزر ويقلو صاحبك راجل والله بطريقة الجالية المغاربية في فرانسا.خرجت وانا نخمم على صاحبي ,الحدود,البوليس العنصري,المكتوب,لعوج الي يخلي واحد يهد علا بلاد باوراق مضروبة.