دبرولي تهمة

حاكم التحقيق حاير في امرو يلوج في تهمة لارابيكا ,معادش ثمة تهم وقفت الزنقة بالهارب , الخيال التلفيقي وقف , قداش منو ,بن بريك قالك قبيح و يتبولد عالنساء,عبو هاك العام قالك ضرب زميلتو , المختار اليحياوي قالك حرق ستوب و سب عون امن,وهات ماكا اللاوي و فاطمة اش باش اطلعولها يا مهاف.فاطمة شريفة نظيفة والي في قلبها على مدونتها اما هاذي ما تساعدكمش كتهمة خاطر انتوما بلاد القانون و المؤسسات و حرية التعبير كيما تقول الصحافة الواطيا نية متاعكم. لذلك سيبو المدونة ارابيكا تدون على روحها وعوض ما تعتقلوها حاولو تفهمو اش قاعده تكتب ثماش ما تصلحوا رواحكم و تفهمو الا زمان الغمه و الغطرسة وفى وانتهى امرو