عزوزه و جاها صغير

عندي مدة ما ريتوش ,قلت ايا بره نعيد عليه و نسمع تعليقاتو على اخر ما قرى و رى .دخلت لبيتو نلقاها حالة حليلة تلفزة ,دفدى ,ريسبتار,خيوط,فيشات,سيديات....وهو ضايع بيناتهم هاو حل الدفيدى هاو نحى الفيشة وبرنشا الريسبتار هاو دور القصعة ....قتلو يا وليد عمي اش صار فيك خليتك رايض بين كتبتك و شايخ لعشيات مع اهلك و صحابك لين وليت مكتف بالخيوط .قالي جرالي كعزوزه ولدت صغير في كبرها ما عاد تعرف اش تعمل .قتلو يظهرلي ها لعزوزه اسمها تونس والولد الي جاها في كبرها هو الانترنات ودخلها بعضها ما عادش عارفه اش تعمل هاي سكرت الفايس بوك هاي بلوكت مدونات هاي سكرت مواقع سياسية.... حاصيلو حالة