mercredi 15 juin 2011

تونس...طليقة التجمع

الصباح و الرباح دخل للخدمة في حالة حليلة ،يتثاوب،عينيه حمر،واقف بالسيف.خزرت لزميل قديم في الخدمة قتلو :اش بيه السيد؟ضحك و قالي: ماعندك ماريت,السيد ملي طلق مرتو ماعادش راقد الليل.قتلو:هاهو الحب يابو قلب.قالي:قول الكلب و الهبل موش الحب,السيد ملي طلق ولى شاد العسه عالمرا اليل او ماجاب اليل وهو يدور على دارها،يعس عالداخل والخارج ،مرة وصل قيد ماتركيل كرهبة طلعت فيها مرتو وطلب صاحبو بوليس باش يعطيه اسم مولى الكرهبة،حالة حليلة الراجل طلق والمكتوب وفى وهو مكبش كالفقر.قتلو:تي هاو كالتجمع السيد هاذا،تونس طلقاتو للضرر نهار14جانفي وهو لتوه مكبش او مايحبها تعرس بحتى واحد اخر،هاو شعل حبوسات هاو دورها عروشية هاو ضريبة ارهاب والاحلى من هاذا الكل كبدل اللبسة وسمى روحو اكثر من ثلاثين اسم جديد باش ما تعقلوش كيف يجي يخطبها نهار 23اكتوبر.

2 commentaires:

Joy a dit…

Bien dit :)

illusions a dit…

]يا حسرة كيف كانت ما تعقلش، توّة عينيها محلولة و ما يفوتها شيء حتّى كان قلب الفيستة، بدّل الّوك واللاّ غير اسمو... حلفت بالف ايمين لاهي راجعتلوو ماهي باش تاخو كان اللّي يهزها لفوق و يقدّم بيها لقدّام موش اللّي باش يرجّعها لتالي والاّ لاهل كهفان