برجولية رد بالك تاخو واحده جاهلة ...اما المثقفة خلي واسكت

قالو:رد بالك تاخو واحده جاهلة
قالو:علاش يا صاحبي انا قلت ناخوها جاهلة نثقفها على ايدي
قالو:دوويو الي يحسب وحدو يفضلو قول تاخوها جاهلة تجهلك وتخرجك زلاط
قالو:يا لطيف اماله اش نعمل
قالو: خوذ وحيدة مثقفة
قالو: لا لا لا يعيشك مثقفة لا
قالو:علاش
قالو:تحب يصيرلي كيف صاحبي
قالو:اش بيه؟
قالو: ماهو خذاها مثقفة راصاتلو يبحث
قالو:لواش؟
قالو:ماهي طلعت مضروبة في الديمقراطية
قالو:يا لطيف
قالو:وراس اميمتي شادة جرت اكا حمه الهمامي
قالو:لاحول ولا قوة الا بالله مسكين صحيبك
قالو: عذباتو مسكين هاي مشات لرديف هاي طلت عالطلبة المقرفين هاي شرات كتاب ممنوع
قالو: ملا مصيبة
قالو:صبر عليها فهمها وعاها وشي
قالو:ما اكسح راسها
قالو: اخرتها مشات اطل على مرت واحد يهودي في الحبس اسمو بن بريك
قالو:اسمعت بيه. هاذا الي يتمنيك عالنساء وكيف حصل قال يكذبو عليا
قالو:من نهارتها قالها والله لا عاد تزيد نهار في داري وطلقها
قالو:ارتاح يلعن بو هالفيا
قالو :هذاكه علاش قتلك انا مثقفة لا
قالو:امالا برجولية رد بالك تاخو واحدة جاهلة اما المثقفة خلي واسكت