اشكونو ميقالو؟

ميقالو هو القنيول الي يمثل شخصية مراسل برنامج ستاد سات في التلفزة التونسية.انا دوب ما ريتو ديريكت ضربت في راسي شخصية اخرى ويظهرلي هي الشخصية الحقيقية الي يجسدها ميقالو.التشابه بيناتهم كبير برشة وعلى عدة مستويات.اذا نبداو بالفيزيك بكل الصراحة ثمة تشابه كبير .على مستوى اللبسة كذلك تشابه كبير.على مستوى اللهجة ولو موش ميا بالميا خاطر ميقالو يحكي بلهجة هجينة لاهي بدوية ولاهي بلديه .يعني مياقالو كيما الشخصية الي يجسدها ماهواش بلدي.لو كان نزيد التشابه الاهم الي ما بيناتهم توه نتعرفو بسهولة على الشخصية الحقيقية الي يجسدها سي ميقالو.الخدمه اي نعم الزوز يخدمو في نفس الخدمه يعني مراسل تلفزي.يظهرلي توه عرفتم اشكون نقصد.المقصود يا ساده يا ماده هو المرسل التلفزي القابع في السجن سي الفاهم بو كدوس مراسل قناة الحوار والذي برز اساسا في تغطيته لاحداث الحوض المنجمي.تبقى هاذي قراءة سيبجكتيف لقنيول ميقالو.