اولاد عامر

عندي مديده نرا فيه في البار.يجي موخر بالعو طول يطلب بيرا ويقعد عالكونتوار.لبستو موش مواتياتو حجامتو كيف كيف.يقعد شويه وبعد يبدى يشوف في لكليونات وخاصة النساء.مع الكعبة الثانية يولي يدور و يعكل و يشطح و يقرب بشوية مالبنات الي يشطحو.عالاول يخزر و يتبسم و بعد يصدم .هاو لمس هاذي هاو حاب يشطح مع هاذي بالسيف وفي لخر و كيما كل مره يكمل السهرية مع واحده مالعزايز الي جايين يكملو فايماتهم في البار.ايا نهار قلت الراجل ظاهر عليه عربي نمشي نحكي معاه و نشوف حكايتو.ايا بون سوار بون سوار منين خويا؟ جاوبني بكل جدية :"من اولاد عامر" ايه من انه بلاد.قالي:"قتلك بني عامر نرجعو لرسول طول." الي فهمتو من بعد الي هو دزيري اما الي فهمتو بالحق الي لعرب ما يدينو و ما يعترفو كان بالقبيلة لا الرسول ,لا الدولة السلامية,لا النظام الملكي,لا النظام الجمهوري يعني لا الدين لا السياسة نحات فكرة العصبية القبلية.هذا صاحبنا بالعو طول نسى كل شئ ما تذكر كان قبيلتو فما بالك بالفايقين