أنا شايف الإبتسامة والفرحة ع الوشوش
اياك بارك اوباما ما يكونش زي بوش
وايييييييييييييييه
مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس
وايييييييييييييه
خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه
واييييييييييييييه
لسه فلسطين محتله والحرب في العراق
والناس عايشه في مذله وعداء يجيب عداء
واييييييييييييييه
مهما هيعمل اوباما ويلف شمال ويمين
لا يرجع الحريري ولا حتي الشيخ ياسين
واييييييييييييييه
عرفات مش جاى تانى اللى عاش ايام سواد
ومات والكل عارف بحركات من الموساد
وايييييييييييييه
يا عربى الف سلامة يا عربى يا عينى عليك
قاعد مستنى اوباما علشان ياخد بأيديك
وايييييييييييييه
ولا بوش ولا اوباما هيفكروا ابدا فيك
يا عربى مفيش غير ايدك هى اللى راح تحميك
واييييييييييييييه
بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين
واييييييييييييييه
ما هو بوش ابن المجنونة شعللها في كل مكان
افغان وعراق وغزة واخرها سوريا كمان
وايييييييييييييه
هيعمل ايه اوباما في مصايب بوش وابوه
ما سابوش مكان في العالم الا ما خربوه
وايييييييييييييه
مجاعات وأزمة ماليه وخرب ودمار وحروب
اهو غار ابن المؤزية وسايبهالنا ع الطوب
واييييييييييييييه
Inscription à :
Publier les commentaires (Atom)
Articles
Aucun commentaire:
Enregistrer un commentaire