عمار يسكن السقيفة

اليوم شديتو بالكمشة.ايه نعم عمار ليوم نلقاه راكش في السقيفة. بون نوضح الحكاية :ثمة مدون مسمي المدونة متاعو السقيفة.ليوم مولى السقيفة نشر تدوينة بعنوان فرانسا تحكي علينا,ايا قلت انشاله خير حلت السقيفة نلقى فيدو من برنامج تالسا متاع فرانس تروا يحكي على المهدية شي يعمل الكيف.المشكل في اخر الشريط الصحافي يقول :نسيت ما قلتلكنش" لكن لهنا الشريط يقص الصوت وتبقى التصاور.انا قلت زعمه اش ثمه اي سكرت السقيفة ومشيت لفرانس تروا نلوج على الشريط الاصلي,ايا لقيتو حليتو ومشيت للخر ياخي سمعت الصاحفي قال في لخر:نسيت ما قلتلكمش راهو طيلة الاقامة متاعنا كنا تحت رقابة بوليسية كبيرة " و عدى الجماعة الي يراقبو فيه. ايا قلت هاذا علاش مولى السقيفة قص الصوت .حاصيلو كيف اخبار تونس ما تعدي كان المدح كليمة نقد لا.يعني محلاه الغرب كي يشكرنا اما كيف ينقد يولي يهودي صهيوني والاخطر هو الاوتو سونسير الي عملها مولى السقيفة تقولش عليه باش يخون الوطن لوكان عدى الكلمتين الي قالهم الصحافي