بانديه اسلاميين يهدو على مسجد في فرانسا

اسلاميين متعصبين هدو على مسجد في باريس وهددو لامام بالموت خاطرو ايد قانون منع ارتداء النقاب.المجموعة هاذي سبو الناس الكل الامام المصلين فرانسا النصارى و اليهود حاصيلو بانديه في مسجد.الشي هاذا الكل هو علامة خطيرة برشه على الحال الي وصلولو لعرب و المسلمين في فرانسا.حيث بتصرفات همجية كيما هاذي قاعدين يرسخو في صورة العربي المسلم الارهابي الي هاد على الحضارة الغربية بساطور و حزام ناسف.زعمه علاش؟زعمة خاطر المسلم ما ينجم يكون كان هكاكه؟زعمه المشكل في الاسلام بيدو الي فيه شعائر تزتفز غير المسلم؟ما تقوليش النقاب موش مذكور في القران خاطر موش المشكل في النقاب بركه.الحجاب الحلوف الصوم المراة الراجل تعدد الزوجات الاذان الماذنه برشة هداري....اشنوه الحل ياخي نرجعو فرانسا طوره بوره باستغلال مبدا الحرية الشخصية الي يقوم عليها الدستور الفرنساوي والله زعمه لعرب تستغور يعني تتفرنس يعني تعيش كيما يعيشو هوما؟ والله زعمه يتفرنسو قالبا وقلبا يبقو مسلمين يعني يصليو في ديارهم و كل واحد بينو وبين مولاه ويبعد على كل الممرسات الاستفزازية الي تخليه في صراع مع الاخر؟