الترمة والترموماتر

قالك يا سيدي يا بن سيدي لعرب والمسلمين جملة هوما الي اخترعو كل شئ واخر ما سمعتو في هالمجال حكاية حكاهلي واحد في السبيتار في فرانسا.السيد قابلتو في لارجونس جايب ولدو خاطر عندو السخانة اي من كلمة لكلمة قتلو يخلف عالفرانسا السرفيس طيارة وفيسع يلهو بالمريض موش كيما بلدان اخرى.ضحك الراجل وقالي يا خي هوما منين جاهم ماهو احنا الي قريناهم اوريناهم.قتلو صلي عالنبي.قالي الف والا يزيه ياسيدي ريتو الترموماتر هذا؟قتلو:اشبيه؟قالي احنا الي صنعناه او سميناه.قتلو امان؟قالي اي نعم ما سالتش روحك علاش اسمو ترموماتر ؟قتلو:لا.قالي اسمو في جسمو سميناه احنا ترموماتر يعني ترمة.. ماتر خاطر يتحط في الترمة والترمة كلمة عربية يعني اصل الاسم عربي يعني الى صنعو عربي.قتلو فيسع روحك اجبد الترموماتر من ترمة ولدك خاطر ظاهر فيه شيط مالحكاية متاعك.